ચંદ્રિકા નામની નગરી. પ્રજાપાલ નામે તેનો રાજા અને સુમિત્ર નામે તેનો મંત્રી. આ રાજા અને મંત્રી વચ્ચે લગભગ રોજ ધર્મના પ્રüાાે અંગે ચર્ચા થતી. રાજાને ધર્મ ઉપર ઓછી શ્રદ્ધા હતી, આથી તે મંત્રીને ધર્મતત્વોના પ્રüાાે જુદી જુદી રીતે પૂછી મૂછમાં હસતાં. એક દિવસ રાજાએ મંત્રીને પૂછ્યું `મંત્રીવર્ય! તમે આ દેવપૂજામાં શા માટે મોહ રાખો છો?' મંત્રીએ સામો પ્રશ્ન કર્યો `હે રાજન! પૂર્વભવમાં કશું પુણ્ય બાંધ્યા વિના તમે રાજા કેમ થયા?  આપણે બધા સમાન કેમ નથી? આપ રાજા અને  અમે સેવક?
રાજાઃ `પથ્થરની એક શિલા છે, તેના બે કટકા કરવામાં આવે, એમાંથી એક કટકો ભગવાનની મૂર્તિ બને છે અને બીજો કટકો પગથિયું બને છે તો આમાંથી કોણે પુણ્ય કર્યુ હશે અને કોણે પાપ? મારા મતે તો માત્ર સ્થાનક ઉપરથી જ ન્યૂનતા એ વિશેષતા ગણાય છે' રાજાની દલીલને રદિયો આપતા મંત્રીએ કહ્યું `રાજન! એવું નથી, તમારું આમ માનવું યોગ્ય નથી, કેમકે તેમાં ત્રસ જીવનો અભાવ હોવાથી તે યુક્તિ વગરનો છે. જો તેમાં ત્રસ જીવ હોય તો તે આત્મશક્તિથી પૂજ્ય અને અપૂજ્ય કર્મ ઉપાર્જે છે. બીજું તે પથ્થરમાં પણ એકેદ્રિય જીવ હોય છે તેમાનાં એક ખંડમાં રહેલા જીવે પૂર્વભવમાં મોટું પુણ્ય ઉપાર્જન કરેલું તેથી તે ભગવાનની પ્રતિમા બને છે અને તાડન, ઘર્ષણ વગેરે દુઃખ કષ્ટને પામતો નથી, જ્યારે શીલાના બીજા કટકામાં રહેલા જીવે પૂર્વે પાપકર્મ બાંધેલું હોય છે તેથી તે પગથિયું બને છે અને અનેક દુઃખ કષ્ટને પામે છે.
રાજા - `મંત્રી ! તમારી આ વાત સાચી હોય તો પણ મને તે ઉપર વિશ્વાસ નથી બેસતો. હું તો પ્રત્યક્ષ ફળ જોઇ તો મને તમારા આ પુણ્યના પ્રભાવ પર શ્રદ્ધા થાય. આ ચર્ચા બાદ થોડા દિવસ બાદ પુણ્યના પ્રભાવ પર શ્રદ્ધા થાય તેવો પ્રસંગ બન્યો.

તે દિવસ પાખીનો હતો. જૈન મંત્રીએ તે રાતે ઘરમાંથી બહાર નહિ જવાના પચ્ચક્ખાણ કર્યાં. એ જ રાતે રાજાને અચાનક મંત્રીનું જરૂરી કામ પડ્યું. રાજાએ મંત્રીને બોલાવવા માટે પ્રતિહારી મોકલ્યો. જૈન મંત્રીએ પ્રતિહારી સાથે રાજાને કહેવડાવ્યું કે આજે ઘરની બહાર નહિ નીકળવાનો મે નિયમ લીધો છે તેથી તમારી આજ્ઞાનું પાલન કરી શકતો નથી તો મને આ માટે ક્ષમા કરશો.
જૈન મંત્રીનો આ જવાબ સાંભળી રાજાનું અભિમાન ઘુંઘવાઇ ઉઠ્યું, પ્રતિહારને પાછો મોકલી મંત્રીની મુદ્રાને મહોર પાછા આપવા જણાવ્યું. મંત્રીએ પ્રતિહારને તુરત જ પોતાની મુદ્રા અને મહોર પાછા આપી દીધા. પ્રતિહારને મંત્રીની મુદ્રા જોઇ કુતૂહલ થયું. તેણે એ મુદ્રા પહેરી લીધી અને બીજાઓને કહેવા લાગ્યો કે `સેવકો! જુઓ, રાજાએ મને મંત્રીપદ આપ્યું.' પ્રતિહારીના આંગળીએ મંત્રીની મુદ્રા જોઇ સેવકોએ પ્રતિહારી મંત્રીનું `ઘણી ખમ્મા, મંત્રીરાજ ! ઘણી ખમ્મા !' કહીને સ્વાગત કર્યું. આ જ સમયે પ્રતિહારીના દુર્ભાગ્યની રેખાઓ ચુંટાઇ રહી હતી. પ્રતિહારી થોડુંક આગળ ગયો હશે ત્યાં કેટલાક સુભટોએ તેને ઘેરી લઇ તેની હત્યા કરી નાંખી. આ સમાચાર રાજાને મળ્યા અને રાજાને વિચાર આવ્યો નIાળ આ કામ મંત્રીનું જ હશે અને તુરત મંત્રીના ઘર તરફ નીકળ્યા. આ દરમ્યાન રાજાના સૈનિકોએ તે હત્યારાઓને પકડી લઇ બાંધી દીધા, રાજાએ ત્યાં પહોંચીને પુછ્યું કે કોણ છે આ લોકો, ત્યારે હત્યારાઓ બોલ્યા કે અમને તમારા દુશ્મન રાજા સૂરે, મંત્રીની હત્યા કરવા મોકલ્યા હતા પરંતુ આ પ્રતિહારીએ મંત્રીની મુદ્રા પહેરી હતી તે જોઇ અમે તેને મંત્રી માની તેની હત્યા કરી નાખી? રાજાની શંકાનું નિવારણ થયું, તે મંત્રીના વ્રતને ઓળખી તેને ત્યાંથી જ નમન કર્યું, અને વિચાર્યું ખરેખર રાજદંડથી ડર્યા વગર મંત્રીએ તેનું વ્રત પાળ્યુ અને મૃત્યુને ટાળ્યુ.. ખરેખર વ્રતમાં આવનાર વિઘ્નો ટાળવાની શક્તિ છે. રાજાની શંકાનું નિવારણ થયું. આ ઘટના બાદ રાજા ધર્મમાં શ્રદ્ધાવાન બન્યો. શ્રાવકને પણ દિશા સંક્ષેપ કરવાથી અણધાર્યા લાભ મળી જાય છે, માટે દિવસ અથવા રાત માટે દિશા સંક્ષેપ કરવો.